Главная / Жамият

Жамият

ҲАРБИЙЛИК – УЛУҒ КАСБ

29-12-2017 16:06

Ҳар йили Ватан ҳимоячилари куни байрами арафасида, бу суҳбатларда ҳарбийлар мавзуси кўп тилга олиниши билан боғлиқ албатта, ўзимнинг аскарлик даврим эсимга тушади ва, негадир ўша пайт билан ҳозиргисини таққослайман. У вақтлар балоғат ёшига етган йигит борки, ҳарбий хизматга бориши мажбур бўларди. Агар мингтадан биттасининг соғлиғи панд бериб, ўз йигитлик бурчини ўташга нолойиқ деб топилмаса, аксарият ўша ҳам ҳарбий қурилишга жалб этиларди. Ўзбек йигитларининг кўпчилиги, агар ҳарбий хизматнинг биринчи кунлари автоматни бир бор қўлига олганини ҳисобга олмаса, унинг асосий қуроли лапатка бўлгани рост. Чунки рус тилини яхши билмаслик унинг пешонасига ҳарбий хизматнинг қайси қисмига боришини олдиндан белгилаб қўйганди. Албатта, ўшанда ҳам ўзининг ақлий салоҳити билан ракета қисмида ёки жисмоний имконияти эътиборга олиниб, денгиз қисмларида хизматни ўтаганлар ҳам бўларди. Уларга ҳурмат бошқача эди, ҳатто ҳарбийда қурилишда бўлганлар ҳам бундай ҳамтенгларига ҳавас билан тикилганини пайқаш мумкин эди.

ҚИШ ДАСТУРХОНИ СЕРОБ БЎЛАДИ

29-12-2017 16:01

Ҳа, мўл-кўлчиликка нима етсин! Асл деҳқонлар халқимиз дастурхонини сероб қилиш, улар кўзида севинчни кўриш учун қишда ҳам мева-сабзавот маҳсулотларини тортиқ этмоқдалар. Бу йил туманимиз деҳқонларининг юзи ёруғ, қўли баланд бўлди. Негаки, Аллоҳ инояти билан мўл қишоқ хўжалик маҳсулотлари етиштирилди. Уларнинг ортиғи эса музлаткич омборларга жойлаштирилди. Айни дамда ушбу ноз-неъматлар байрам дастурхонига тортиқ этиляпти. Шу муносабат билан туманда Ўзбекистон Республикаси қишлоқ ва сув хўжалиги вазирлиги ҳамда АҚШ Халқаро тараққиёт агентлиги ваколатхонаси томонидан «Қишлоқ хўжалигида қиймат занжирини ривожлантириш» лойиҳаси доирасида «Музлаткич омборларида мева-сабзавот маҳсулотларини сақлаш: бугунги ҳолат ва соҳани ривожлантириш истиқболлари» мавзуида семинар бўлиб ўтди. Унда мамлакатимизнинг барча ҳудудларидан мева-сабзавот етиштирувчи, уларни сақлайдиган ва қайта ишлайдиган фермерлар, тадбиркорлар, экспортёрлар, транспорт хизмати кўрсатувчилар ҳамда савдо тармоқлари вакиллари иштирок этди.

ТАҚВИМ НИМА?

29-12-2017 12:45

Календарь (тақвим) - йил, ой, ҳафта ва кунларни ҳисоблаш тизимидан иборат эканлигини ҳаммамиз ҳам жуда яхши биламиз. Аммо Қуёш ва Ой сайёраларнинг кўринма ҳаракати кун ва туннинг алмашувини, бу жараёнларнинг ва фаслларнинг даврий такрорланиб туриши қадим ўтмишда яшаб ўтган аждодларимизни календарь (тақвим) ларни тузиш эҳтиёжини туғдирган. Календарь ҳисобини асоси қилиб йил, йил эса ойларга, ой эса кунларга бўлиниб учта астраномик ҳодисага асосланган, яъни ерни қуёш атрофида айланиши, ойнинг ер атрофида айланиши, ернинг ўз ўқи атрофида айланиши билан боғлиқ. Эрамиздан 46 йил илгари Юнон астраноми Созиген таклифига кўра Рим императори Юлий Цезарь қадимги Рим календарини қонунлаштирган эди. Бу календарни ўз даврида Юлий Цезарь шарафига Юлиан календари деб аташган.

ТАДБИРКОР - ЮРТГА МАДАДКОР

29-12-2017 12:43

Бугунги кунда кичик бизнес ва хусусий тадбиркорлик ўзининг иқтисодиётимиздаги ўта муҳим ва салмоқли ҳиссаси, роли ва таъмири, бошқа ҳеч бир соҳа ва йўналиш ўрнини босолмайдиган катта аҳамияти билан давлат ва жамиятимиз ривожида алоҳида ўрин эгаллайди. Бу соҳани ривожлантирмасдан, унга тегишли кўмак ва рағбат бермасдан, зарур имконият ва имтиёзлар яратмасдан туриб, иқтисодиётимизнинг келажагини таъминлай олмаймиз. Ички бозоримизни рақобатдош ва сифатли маҳсулотлар билан тўлдиришда, бугунги кунда биз учун энг долзарб масалалардан бири - аҳолимизни, авваланбор, ёшларимизни иш билан таъминлаш ва шу аснода уларнинг муносиб даромад топиши, фаровонлигининг ошиб боришига эришишда айни шу соҳани тез ва жадал суръатлар билан ривожлантириш энг асосий омиллардан биридир.

МАЪЮС КЎЗЛАРДА ПОРЛАГАН ҚУВОНЧ

29-12-2017 12:09

Беш ёшли Тамилла онаси қамалиб кетганида ҳали уч ёшга ҳам кирмаганди. Онаси уйга келмай қолганининг сабабини эса у тушунмас, фақат эшикка маъюс термуларди...

ФАРЗАНД ТАРБИЯСИ-МУҲИМ МАСАЛА

22-12-2017 15:56

Ўзбекистон Республикаси Конституциясининг 64-моддасида “Ота-оналар ўз фарзандларини вояга етгунларига қадар боқиш ва тарбиялашга мажбурдирлар” деб кўрсатилган. Ўз фарзандини комил инсон бўлиб вояга етишларидан нафақат ота-она балки, бутун миллат ва муқаддас ватанимиз манфаатдордир. Фарзандларимиз юксак маънавиятли, билимли, намунали одоб соҳиби ва жисмоний соғлом бўлиб вояга етишлари учун ҳаммамиз эътиборли ва масъулиятли бўлишимиз ҳам қарз ҳам фарздир. Чунки, унинг натижа ва самараси кўп нарсаларга, айниқса, мамлакатимизнинг гуллаб-яшнаши ва халқимизнинг бахтёр ҳаёт, кечиришларига шубҳасиз хизмат қилади. Шундай экан бола тарбиясида ота-она, мактаб ва маҳалланинг ҳамжиҳатлиги ўта муҳимдир.

ЭЛИНИ БАХТИЁР АЙЛАГАН БАХТИЁР!...

22-12-2017 15:54

Туманда ўз иши ва номи билан элга манзур бўлаётган «Истиқлол шўъласи» фермер хўжалиги раҳбари, Халқ депутатлари туман Кенгашининг депутати Бахтиёр Одилов ҳақида яхши бир лавҳа тайёрлашдан олдин газетамиз муҳаррири Нормурод Каримовнинг «Марди шўҳратёр» шеърини қайта-қайта ўқиб чиқдим. Қуйидаги мисралар эса менга илҳом бағишлади:

ОЧИҚ ВА САМИМИЙ МУЛОҚОТ

22-12-2017 15:52

Бизнинг мустақил Ўзбекистонда инсон ҳуқуқ ва эркинликларини таъминлашга устувор масала сифатида қаралмоқда. Айниқса, Халқ билан мулоқот ва инсон манфаатлари йилида бу борадаги ишлар янги босқичга қўтарилиб ҳамма жойда аҳоли билан юзма-юз мулоқотлар ташкил этилмоқда.
Самарқанд туман ички ишлар бўлими, жиноят ишлари бўйича туман суди, вилоят ва туман маъмурий судлар ҳамда бошқа мутасадди раҳбарлар иштирокида Ўрта шайх маҳалласида сайёр қабул ўтказилди. Уни мазкур ҳудуд профилактика инспектори, катта лейтенант Орзу Исмоилов очиб, ички ишлар органлари ходимлари томонидан аҳолининг тинч ва осойишта ҳаёт кечиришини таъминлаш, жиноятчилик ва ҳуқуқбузарликларга қарши курашиш, жамоат тартибини сақлаш, шунингдек, бошқа муҳим вазифаларни амалга ошириш борасида ахборот берди.
Шундан сўнг жиноят ишлари бўйича туман судининг раиси Ўткир Мамадалиев Президентимиз Шавкат Мирзиёевнинг Ўзбекистон Республикаси Конституцияси қабул қилинганининг 25 йиллигига бағишланган тантанали маросимдаги маърўзаси тарихий моҳияти ҳақида гапирди.

БАЙРАМ ТЎЙГА УЛАНИБ КЕТДИ

22-12-2017 15:41

Давлатимиз раҳбари Шавкат Мирзиёев томонидан декабрь ойининг иккинчи якшанбаси мамлакатимизда Қишлоқ хўжалиги ходимлари куни этиб белгиланди. Жорий йил илк бор нишонланган ушбу байрам туманимизда ҳам 10 декабрь куни мўҳташам “ВЕРСАЛ” базмгоҳида деҳқонларимизнинг “Ҳосил байрами” тадбирлари билан уйғунлашган ҳолда юқори савияда уюштирилди. Унда минг нафарга яқин соҳа фидойилари, илғор фермерлар, миришкор боғбону -соҳибкорлар, соҳага тегишли ташкилот ва корхоналар вакиллари ҳамда меҳмонлар учун байрамона стол безатилди.

ОДАМИЙЛИК ОИЛАДАН БОШЛАНАДИ

08-12-2017 13:00

Азал-азалдан халқимиз оилани қўрғонга ўхшатган. Қўрғон қанчалик мустаҳкам бўлса, ташқи куч таъсирига шунчалик бардош бера олади. Оила ҳам мустаҳкам бўлса, яъни эркак эркаклик вазифасини, аёл аёллик вазифасини қилиб, фарзандларга одоб-ахлоқ, илм, ҳунар ўргатиб, ҳалоллик, яхшилик, эзгулик ишлари билан безанган бўлса, унга ташқи муҳит таъсир эта олмайди. Бундай соғлом муҳитни юзага келтириш учун, албатта диний ақидаларга, ундаги шариат кўрсатмаларига амал қилишимиз керак.