Жорий йилда вилоятимизда 145 мингдан зиёд абитуриент ҳужжат топшириши кутилмоқда

" Ҳужжатлар онлайн қабул қилинади, ОТМларда ҳужжатлар олинмайди;
" Ҳужжатлар 3 хил усул билан топширилиши мумкин:
1) Давлат хизматлари марказлари орқали (борган ҳолда);
2) my.gov.uz портали орқали;
3) ДТМ сайти орқали.
" Ҳужжатлар кечаю кундуз 24 соат қабул қилинади;
Ҳужжат топшириш учун мактаб битирувчиси аттестат олиши шарт эмас.
" Битирувчилар аттестат олиши шарт эмас. ХТВ базасидаги маълумот ДТМ базасига ўтказилади. Бунинг учун абитуриентнинг паспорт маълумотлари етарли.
" Зарур ҳолатлардагина мактабларда аттестатларни қоғоз кўринишида олиш мумкин. Электрон сканер кўринишида ҳам берилади.
Тест синовларини ўтказиш карантин, санитария-гигиена талабларига қатъий риоя этилган ҳолда амалга оширилади. Бунда:
" абитуриентларни бинога киритишда тана ҳарорати ўлчанади ҳамда ниқоб ва резина қўлқоплари билан таъминланади;
" тест синовлари ўтказиладиган бино ҳудуди ва ички қисмида кунига 4 марта дезинфекция ишлари амалга оширилади.
Тест синовлари ҳар бир абитуриентга камида 3 квадрат метр ўлчамда жой ажратилган ҳолда, сиғими 650-700 кишидан ошмаган биноларда ўтказилади.
Тест синовлари 2019 йилда ўтказилган 6 та бинодан фойдаланган ҳолда, кунлик уч сменада ўтказилади. Бунда, бир сменада 2130 (2019 йилда 3060) нафар, кунлик 6390 (2019 йилда 6120) нафаргача абитуриент тест синовларини топшириши мумкин бўлади.
" Тест синовлари Самарқанд шаҳридаги Даҳбед кўчаси, Рудакий кўчаси, Ибн Сино кўчалари кесишмаси ҳудудида жойлашган биноларда бўлади;
" Тест синовлари жорий йилда 3 сменада бўлади (ўтган йили 2 сменада бўлган);
" Ҳар бир сменада 6390 нафар абитуриент тест топширади, абитуриентлар учун 3 квадрат метрдан кам бўлмаган жойлар тайёрланади;
" Тест синовларига абитуриентлар махсус текширувдан ўтказилиб, карантин қоидаларига риоя қилган ҳолда киритилади;
" Тест синовлари жараёнлари онлайн равишда интернет ва ТВ орқали жонли эфирга узатилади;
" Карантин шароитида хавфсизликка риоя қилиш мақсадида абитуриентларнинг ота-оналари ва яқинларининг кузатувчи сифатида тест биноси атрофига тўпланиши чекланади.

С.ДОЛИЕВ, Давлат тест маркази
Самарқанд вилояти бўлими бош мутахассиси