Гулобод тонги Халқ депутатлари Самарқанд туман Кенгаши ва туман ҳокимлиги газетаси
Гулобод тонги Халқ депутатлари Самарқанд туман Кенгаши ва туман ҳокимлиги газетаси
www.gulobodtongi.uz

 
 

АВЛОДЛАР БЕЛЛАШУВИ

Яқинда тумандаги «Нуронийлар маскани»да мамлакатимиз Мустақиллигининг 27 йиллигига бағишланиб, «Азиз ва ягонамсан жонажон Ўзбекистоним!» шиори остида спортнинг шахмат-шашка турлари бўйича ёшлар ва кексалар ўртасида «Авлодлар беллашуви» спорт мусобақаси ўтказилди.

Туман жисмоний тарбия ва спорт бўлими, «Нуроний» жамғармаси туман бўлинмаси, Ёшлар иттифоқи туман Кенгаши ҳамкорликда ташкил этилган мусобақанинг асосий мақсади вояга етмаган ёшлар ўртасида жиноятчиликнинг олдини олиш, уларни ватанпарварлик руҳида тарбиялаш, ёшлар ва нуронийлар ўртасида ўзаро алоқани мустаҳкамлаш, кексаларни фаол спортга жалб этиш ҳамда ёшларни жисмоний тарбия ва спорт билан мунтазам шуғулланишга қизиқтиришга қаратилди. Шахмат бўйича қизғин ва муросасиз ўтган беллашувларда фахрийлардан А.Юнусов биринчи, А.Бўстонов иккинчи ва Ш.Ваҳобов учинчи ўринни эгаллаган бўлса, ёшлар ўртасида Комрон Ҳасанзода биринчи, Манижа Зоҳирова иккинчи, Аминжон Рафиқов учинчи ўринни забт этди. Шунингдек, шашка мусобақасида нуронийлар ўртасида Ш.Ваҳобов биринчи, Б.Зиёев иккинчи, З.Зиёева учинчи ўрин соҳиби бўлишди. Ёшлардан Отабек Аслиев биринчи, Аминжон Рафиқов иккинчи, Комрон Ҳасанзода учинчи ўринни қўлга киритишди. Ғолиблар ташкилотчиларнинг фахрий ёрлиқлари ва эсдалик совғалари билан тақдирланди.

З.ҲАСАНЗОДА, вилоят шахмат Федерацияси матбуот котиби


Дата добавления: 31/08/2018 14:43;   Просмотров: 1247
 
Для чтения текста нажмите эту кнопку