ТУМАН ҲОКИМИНИНГ ҚАРОРИ

Ўзбекистон Республикаси Қишлоқ ва сув хўжалиги вазирлигининг 2013 йил 2 апредаги 58-сонли буйруғига (Ўзбекистон Республикаси қонун хужжатлари тўплами, 2013 йил 17-сон, 229-модда) асосан вилоят “Давтехназорат” инспекциясининг 2017 йил 9 январдаги 1 А-сонли буйруғини инобатга олган ҳолда Ўзбекистон Республикаси “Маҳаллий давлат ҳокимияти тўғрисида”ги қонунининг (Ўзбекистон Республикаси Олий Кенгашининг Ахборотномаси, 1993 йил 9-сон, 320-модда) 6-моддасига асосланиб
ҚАРОР ҚИЛАМАН:

1.Туман ҳудудида жойлашган мулкчилик шаклидан қатъи назар юридик ва жисмоний шахслар ҳисобида бўлган барча қишлоқ хўжалиги ва мелиоратив техникани, шунингдек машина-трактор парклари, устахоналар ва сервис пунктларининг асбоб-ускуналарини техник кўрикдан ўтказилсин.
2.Техник кўрикдан ўтказиш бўйича туман комиссиясининг таркиби 1-илова, техник кўрик ўтказиш жадвали 2-иловага мувофиқ тасдиқлансин.
3.Туман қишлоқ хўжалиги техникалари бўйича давлат инспектори Н.Сатторовга:
— техник кўрикдан ўтказиладиган тракторлар, тиркамалар, ўзиюрар шассилар, мелиоратив, йўл-қурилиш машиналарининг техник паспортларини, давлат рақам белгиларини ҳақиқатда мавжудлигини кўриб чиқиш ва аниқланган камчиликлар бўйича уларни бартараф этиш чораларини кўриш;
— қишлоқ хўжалиги машиналар сонини, уларнинг ҳолатини, амалда мавжудлигини, тегишлилигини ва бошқа рўйхатдан ўтказиш маълумотларини аниқлаштириш;
— ўтказиладиган техник кўрик учун тушиши лозим бўлган тушумларни тумандаги юридик ва жисмоний шахслардан ундириш чораларини кўриш юклатилсин.
4. Мазкур қарор расмий эълон қилинган кундан бошлаб кучга киради.
5. Ушбу қарор ижросини назорат қилиш туман ҳокимининг биринчи ўринбосари Қ.Қурбонов зиммасига юклатилсин.

Туман ҳокими Б.ҚОдиров

2017 йил 11 февраль, №314-Қ