Ўзбекистон Халқ демократик партияси Марказий Кенгаши “Ёш сиёсатчи-2017” кўрик-танловини ташкил этиш мақсадида мамлакат ёшларига анкеталар тарқатмоқда.

— Партиянинг “Истиқбол” ёшлар қаноти томонидан уюштирилаётган танловнинг ўзига хос жиҳати шундан иборатки, ёшларнинг сиёсий салоҳиятини ошириш, ЎзХДП нинг ҳаракат ва сайлов олди дастурини амалга оширишдан иборатдир, — дейди биз билан мулоқотда ЎзХДП туман Кенгаши раиси М.Аҳророва. — Анкета саволларига жавоб қайтарган ёшлар дастлаб ҳудуд, сўнгра туман миқёсидаги кўрикда қатнашишади. Юқори балл тўплаб ғолибликни эгаллаганларга эса вилоят боскичига йўлланма берилади.

Шу муносабат билан Гулобод ижтимоий-иқтисодий ва Равонак миллий ҳунармандчилик ва қурилиш касб-ҳунар коллежларида семинарлар ўтказилди. “Истиқбол” ёшлар қаноти вилоят Кенгашининг сектор мудири И.Умаров тадбир моҳияти ҳақида гапириб берди.

М.САЪДУЛЛАЕВА, тумандаги “Истиқбол” ёшлар қаноти раҳбари