2017 йилнинг 6 март куни халқ депутатлари туман Кенгашининг йигирма саккизинчи сессияси бўлиб ўтди.

Сессияни туман Кенгаши раиси Б.Қодиров бошқарди.

16-Янгиобод сайлов округидан туман Кенгаши депутати Улуғбек Пўлатов сессия котиби этиб сайланди.

Депутатлар сессия кун тартиби ва иш тартибини тасдиқлагач биринчи масала туман ҳокимининг “Туман маҳаллий бюджет параметрларининг 2016 йил 4-чорак ижроси тўғрисида”ги тақдимномаси ҳақидаги масалани кўриб чиқишди. Бу ҳақда туман ҳокимлиги молия бўлими мудири Ш.Восеевнинг ахбороти тингланди ва муҳокама этилди.

Сессияда аҳолига тиббий хизмат кўрсатишни, дори воситалари таъминотини янада яхшилаш, ушбу соҳадаги қонунчиликни амалиётга самарали татбиқ эишга кўмаклашиш, шунингдек бу соҳада депутатлар ва жамоатчилик назоратини самарали амалга ошириш чора-тадбирлари тўғрисидаги масала ҳам кўриб чиқилди.

Бўлиб ўтган сессияда ташкилий масалалар ҳам кўриб чиқилди.

Сессияда муҳокама этилган барча масалалар юзасидан халқ депутатлари туман Кенгашининг қарорлари қабул қилинди.