Ботулизм касаллиги бу - ўткир заҳарланиш оқибатида келиб чиқадиган касаллик бўлиб, асосан беморнинг марказий асаб системасига таъсир қиладиган оғир хасталик ҳисобланади.

Касаллик уй шароитида тайёрланган помидор, бодринг, патисон маринавадлари, бақлажон икраси ва бошқа консерва маҳсулотларини истеъмол қилиш натижасида юзага келади.
Заҳарланиш белгилари: ҳолсизланиш, кўнгил айниши, қайт қилиш, оғизнинг қуриши, кўришнинг хираланиши, буюмларнинг иккита бўлиб кўриниши, кўз қавоғининг осилиши (птоз), овознинг бўғилиши, ютишнинг қийинлашуви каби аломатларда намоён бўлади.
Болутизмга чалинмаслик учун ҳар бир инсон қуйидагиларга амал қилишлари керак;
- уй шароитида помидор, бодринг, патисон маринавадлари, бақлажон икраси ва бошқа консерва маҳсулотларини тайёрламаслик, кўча-куйларда сотилаётган сифати кафолатланмаган консерва маҳсулотларини харид қилмаслик;
- ҳар қандай консерва маҳсулотларини сифати кафолатланган, гигиеник сертификати мавжуд бўлган ҳолларда фақат дўконлардан харид қилиш;
- консерва маҳсулотларини очишдан олдин қопқоғи кўтарилмаганлигига, суюқлигининг тиниқлигига ва маҳсулотнинг эзилмаганлигига эътибор бериш лозим.
Мабодо юқорида кўрсатилган касаллик белгилари кузатилса, зудлик билан шифокорга мурожаат қилинг. Беморни уй шароитида ўзбошимчалик билан даволаш оғир асоратларга, ҳаттоки ўлимга олиб келиши мумкинлигини ҳар доим эсда сақланг!

Д.НОРМУРАДОВА,
туман ДСЭНМ бош врачи