Хабар берганимиздек, ўтган ҳафта Ўзбекистон Республикаси Президенти соврини учун анъанавий тарзда ўтказилиб келинаётган "Ташаббус - 2019" кўрик - танловининг туман босқичи бўлиб ўтди.

Унда туманда фаолият олиб бораётган 75 дан ортиқ турли соҳа ишбилармонлари ўзаро беллашди. Танлов хакамлар ҳайъати хулосасига кўра, "Йилнинг энг яхши тадбиркори" йўналишида "SAM RAFOAT TEKSTILL" МЧЖ (раҳбари Ш.Ҳамдамов), "Хизмат кўрсатиш соҳасида йилнинг энг яхши тадбиркори" йўналиши бўйича "PRESTIJ MED SERVIS" МЧЖ (раҳбари А.Васлиддинов), "Йилнинг энг яхши ёш тадбиркори" йўналишида "BADAL ASL NUR" МЧЖ (раҳбари А.Ғайбиев), "Йилнинг энг яхши фермери" йўналишида "AZIZOV QURBON" фермер хўжалиги (раҳбари Ж.Азизов) ҳамда "Йилнинг энг яхши ҳунарманди" йўналиши бўйича якка тартибдаги тадбиркор "ZOHIDOV SHAVKAT XAMROKULOVICH" (Зоҳидов Шавкат) лар биринчи ўринни қўлга киритиб, вилоят босқичига йўлланма олди. Бундан ташқари 6 та қўшимча номинациялар бўйича ҳам ғолиблар аниқланиб, ташкилотчиларнинг диплом ва қимматбаҳо совғалари билан тақдирланди.

Тошпўлат ЮСУПОВ