Ўзбекистон Республикаси Халқ таълими вазирлигининг 2019 йил 17 майдаги "Умумтаълим мактаблари ўртасида "Қувноқлар ва зукколар" кўрик-танловини ташкил этиш ва ўтказиш тўғрисида"ги 173-сонли буйруғи асосида 12- болалар мусиқа ва санъат мактабида республика "Қувноқлар ва зукколар"кўрик-танловининг туман босқичи бўлиб ўтди. Тадбирни туман халқ таълими бўлими шўъба бошлиғи Мирзомаҳмуд Акрамов қисқача кириш сўзи билан очиб, танлов Низоми тўғрисида тушунтириш берди. Шундан сўнг, ҳудудий босқич ғолиблари бўлган 2-ИДУМ, 9, 12,16,21,24, 41-умумий ўрта таълим мактаби жамоалари 3 та шарт бўйича ўзаро беллашдилар.

Ушбу кўрик-танловнинг асосий мақсади Ўзбекистон Республикаси Президентининг "Ёшларни маънавий-ахлоқий ва жисмоний баркамол этиб тарбиялаш, уларга таълим-тарбия бериш тизимини сифат жиҳатидан янги босқичга кўтариш чора-тадбирларини амалга оширишдан иборатлигини иштирокчилар чуқур ҳис этганликлари барча мактаб ўқувчиларининг яхши тайёргарлик кўрганлигидан яққол сезилиб турди.
Якунда 24-мактабнинг "Жентельменлар" жамоаси 70 балл билан биринчи ўринни эгаллаб,туманлараро вилоят минтақавий босқичига йўлланмани қўлга киритди.

Р.НАИМОВ