Тумандаги барча мактабларда 1 июнь–Халқаро болаларни ҳимоя қилиш куни муносабати билан жорий йилнинг 28 май - 2 июнь кунлари "Ҳар бир болага меҳр-эътибор" шиори остида махсус ҳафталик ўтказилди. 45-умумтаълим мактабида ҳам 1-июнь куни режа асосида хайрия байрам тадбири бўлиб ўтди.

Тадбирда расм чизиш, шахмат-шашка ўйнаш бўйича синфлар кесимида мусобақалар ташкил этилиб, натижалар бўйича 1-ўринни олган ўқувчиларга мактаб маъмурияти томонидан фахрий ёрлиқлар топширилди. Тадбирда қатнашган 250 нафар мактаб ўқувчиларига Найзатепа маҳалла фаоллари-тадбиркорлар Нодир Тўхтаев ва Толиб Содиқовлар томонидан музқаймоқлар тарқатилди. Ажойиб куй, қўшиқ ва рақслар остида ўтган тадбир ўқувчилар кўнглида унутилмас дақиқаларни муҳрлади.

Ситора Ҳотамова