Samarqand tumani Yangiobod mahallasida zamonaviy tipda qurilgan sport zalining ochilish marosimi bo‘lib o‘tdi.

Unda tuman hokimi S.Usmanov, Xalq qabulxonasi mudiri I.Murodov, sektor rahbarlari va keng jamoatchilik vakillari ishtirok etdi.

Tadbirda so‘zga chiqqanlar yurtimizda sportga va yoshlarga qaratayotgan e’tibor, yaratilayotgan imkoniyatlar xususida to‘xtaldi.
Qayd etish kerakki, so‘ngi turdagi zamonaviy sport anjomlari bilan jihozlangan sport majmuasida muay tay, karate, badiiy gimnastika kabi sport turlari bo‘yicha to‘garaklar faoliyati yo‘lga qo‘yilgan.

Tadbir davomida ishtirokchilar yaratilgan sharoitlar bilan tanishdi.