Мусулмон оламининг муқаддас айёми ҳисобланмиш муборак Рамазон ҳайитининг маънавий ҳаётимизда эзгулик, шукроналик, меҳр - оқибат ва саховат каби олижаноб қадриятларни қарор топтиришдаги ўрни ва аҳамияти ниҳоятда беқиёсдир.

Бутун юртимизда бўлганидек, туманимизда ҳам ушбу айём кўтаринки руҳда кенг нишонланди. Барча жомеъ масжидларида ўқилган Рамазон намозлари олдидан миллий - диний анъаналаримизни асраб - авайлаш, имон - эътиқод, диёнат ва маърифат талабларига амал қилиш тўғрисида имомларимиз амри маъруф қилди. Намоздан сўнг тумандошларимиз бир - бирларини хуш кайфиятда байрам билан қутладилар. Тўшакда ётган беморлар, кекса нуронийларимиз ҳолидан хабар олинди.

Тошпўлат ЮСУПОВ
Суратда: Хожа Аҳрор Валий жомеъ масжидида тумандошларимиз
ҳайит намозини ўқимоқда.
Сурат муаллифи Б.ҚОДИРОВ