Самарқандда Туркия ва Мексика давлатлари орқали Америка Қўшма Штатларига юборишни ваъда қилган фирибгар ушланди. Бу ҳақда Департамент Матбуот хизмати хабар бермоқда.

 Департаментнинг Оқдарё туман бўлими томонидан ДХХ ходимлари билан ҳамкорликда  тезкор тадбир ўтказилди.

Унда фуқаро Ж.Т. фуқаро Ш.А.нинг ишончига кириб, уни Туркия ва Мексика давлатлари орқали АҚШга юбориш учун виза ҳужжатларини расмийлаштириб беришни ваъда қилиб, олдиндан келишилган 16 000 АҚШ долларидан 7 500 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.