Январь ойи учун пенсия ва нафақалар нақд пул шаклида тарқатилиши ҳамда банк карталарига юкланиши 5-6 январ санасидан бошлаб белгиланган муддатларгача тўланиши таъминланади. Бу ҳақда Пенсия жамғармаси хабар берди. 

Ўзбекистон Республикаси Президентининг 2017 йил 2 февралдаги ПҚ-2753-сон Қарорига мувофиқ пенсия ва нафақалар тўлови ҳар ойнинг биринчи банк иш кунидан бошланиб, ойнинг 27 санасига қадар кунлик график асосида (дам олиш кунларидан ташқари) маҳалла фуқаролар йиғинлари ва фуқароларнинг яшаш манзилига етказилмоқда.
Маълумки, Ўзбекистон Республикаси Президентининг тегишли Фармонига асосан 2021 йилнинг 31 декабр ва 2022 йилнинг 1-4 январ кунлари республикамизда барча соҳа вакиллари учун дам олиш куни деб эълон қилинди.