Туманимизда бу йил 2810 гектарда бошоқли дон етиштирилди. Суғориладиган ғалла майдонларининг гектаридан ўртача 80 центнердан ҳосил олиш режалаштирилган.

Ўтган вақт давомида экилган ғалла майдонлари пешма-пеш суғорилиб, зарур агротехник тадбирлар бажарилди.
Жумладан, ғаллани азотли минерал ўғитлар билан озиқлантириш, икки марта баргидан суспензия сепиш тадбири бажарилди. Бегона ўтларга қарши гербицидлар билан тўлиқ бир марта, "занг" касаллиги ва зараркунандаларга қарши фунгицидлар билан кимёвий ишлов ўтказилди.
Бир сўз билан айтганда, бугунги кунда туманимиз бўйича буғдойзорларда мўлжалдаги ғалла ҳосили етиштирилди. Энг муҳими етиштирилган ҳосилни ўз вақтида нест-нобуд қилмасдан ўриб-йиғиб олишдир.

Туман ҳокимлиги ахборот хизмати