Янги йил айёми арафасида туманимиздаги "Ягона" базмгоҳида кичкинтой болажонлар учун "Президент арчаси" байрам тадбири бўлиб ўтди.

Унда ота-она қарамоғидан ажралган, ватанимиз сарҳадларини қўриқлашда ва халқимиз осойишталиги йўлида жон фидо қилган ҳарбий ва ҳуқуқ тартибот идораси ходимлари ҳамда кам таъминланган, ижтимоий ҳимояга муҳтож оилаларни 100 нафардан зиёд фарзандлари иштирок этди. Муҳташам арча атрофида турли эртак қаҳрамонларининг чиқишлари, Қорбобо ва Қорқизнинг ташрифи болажонларга олам-олам қувонч бағишлади.
Тадбирда туман ҳокими Ш. Жамолов иштирок этиб, кичкинтойларга "Президент совғаси" ва туман ҳокимлигининг Янги йил совғаларини улашди. Шундан сўнг болажонлар байрамона безатилган дастурхон атрофида жамланишиб, турли ширинликлар ва ноз - неъматлардан тамадди қилишди. Қизиқарли ва таассуротларга бой байрам тадбири кечгача давом этди.

Т. Юсупов, Б. Қодиров