Vatan himoyasi – muqaddas burch. Shu ma’noda mamlakatimiz  sarhadlari  daxlsizligini ta’minlash, xalqimiz tinchligi  va osoyishtaligini  saqlash

yo‘lida sidqidildan xizmat qilayotgan  harbiylarning  mas’uliyatli va sharafli  mehnatlari har qancha e’zoz va e’tirofga loyiqdir. 

         Samarqand tumanida ham O‘zbekiston Respublikasi  Qurolli Kuchlari tashkil etilganligining 33 yilligi va 14-yanvar-Vatan himoyachilari kuni  munosabati bilan bayram tadbiri tashkil etildi.

         Unda so‘z olgan tuman hokimi Sirojiddin Usmonov so‘nggi yillarda mamlakatimizda harbiylik kasbining nufuzi  oshib, yigitlarimiz uchun Vatan himoyachisi bo‘lish shon-sharaf ishiga aylanib borayotganini mamnuniyat bilan ta’kidladi. Yurtimizda zamonaviy  qurol-yarog‘  va texnika  bilan ta’minlangan, milliy  qadriyatlarimiz va ajdodlarimizning  jangovor an’analariga  tayangan professional armiya shakllangani, uning  saflarida  esa yuksak jismoniy tayyorgarlik, intellektual salohiyatga ega bo‘lgan o‘g‘lonlar xizmat  qilayotgani xususida fikr-mulohazalarini bildirdi.

         Shundan so‘ng Vatanimiz mudofa qudratini mustahkamlash va mamlakatimiz sarhadlari daxlsizligini ta’minlash, yoshlarni Vatanga sadoqat va muhabbat ruxida tarbiyalash ishiga qo‘shayotgan katta hissasi, ijtimoiy-siyosiy hayotdagi faol ishtiroki uchun bir gurux askar va zobitlar tuman hokimining tashakkurnomalari hamda esdalik sovg‘alari bilan taqdirlandilar.

Bayram tadbiri konsert dasturi bilan davom etdi. El suyugan san’atkorlar va yosh ijrochilar tomonidan aytilgan kuy-qo‘shiqlarda Ona vatanga bo‘lgan mehr-muhabbat, burchga sadoqat kabi insoniy tuygular yana bir bor ulug‘landi.

S.NARZULLAYEVA.