Президентимиз оиланинг жамиятдаги мавқеи ва аҳамиятини таърифлаб “...Шарқда қадим-қадимдан оила муқаддас Ватан саналган. Агар оила соғлом ва мустаҳкам бўлса, маҳаллада тинчлик ва хотиржамликка эришилади. Бинобарин, маҳалла-юрт тинч бўлсагина давлатда осойишталик ва барқарорлик ҳукм суради” деганлар.

Ислом уйланиш масаласини киши ҳаётидаги энг муҳим ва ўта масъулиятли иш деб қарайди. Инсон ҳаётининг ундан кейинги даврларини яхши ва муваффақиятли кечиши ёки аксинча бўлиши кўп жиҳатдан шу масъулиятли воқеага боғлиқдир. Пайғамбаримиз Муҳаммад Мустафо (с.а.в.): «Фарзандларингга она бўладиган аёлни яхшилаб танлаб олинглар», дедилар. Ўзбекистон Республикаси Оила қонунчилигида илк бор никоҳланувчи шахсларни тиббий кўрикдан ўтказиш қонунлаштирилган ва Оила кодексининг 17-моддаси “Никоҳланувчи шахсларни тиббий кўрикдан ўтказиш” деб номланган.

Бу моддани қонунга киритишдан мақсад, биринчидан, янги тузилаётган оиланинг ва келажакда туғиладиган фарзандларнинг соғлом бўлишини таъминлаш бўлса, иккинчидан, никоҳга кирувчиларга тиббий-ирсий ҳамда оилани режалаштириш масалаларида маслаҳатлар беришдир. Ҳозирги кунда никоҳни қайд қилишда “Турмуш қурувчиларни тиббий кўрикдан ўтказиш тўғрисида” Ўзбекистон Республикаси Вазирлар Маҳкамасининг 2003 йил 25 августдаги 365-сонли қарори амал қилмоқда ва 2004 йил 1 январдан бошлаб тиббий кўрикдан ўтиш мажбурий этиб белгиланган. Яна бир ҳолат 15 ёшда турмушга чиқиб, 16 ёшда туққан келинчак ҳақида. Афсус ила эслатиб ўтамизки, ҳозирги кунларда баъзи норасмий домлалар ўзбошимчалик билан юқорида айтилган никоҳ шартларини сўраб-суриштирмай, ёшларга никоҳ ўқимоқдалар. Натижада ёш оилалар ажрашиб, ўртада гўдаклар тирик етим, она эса бир умрга бебахт бўлиб қолмоқда.Никоҳ ва оила масаласида доимо мана шундай воқеалар содир бўлиб турганлиги сабабли, ўғил-қизларимизнинг ота-оналари ўз фарзандларини ёши жиҳатидан оила қуришга тайёр эканлигига қаноат ҳосил қилиб, сўнгра расмий имом-хатиблар иштирокида никоҳлатиб олишлари шарт. Бу ўринда хукумат қонунида белгиланган балоғат ёшини эътиборга олиш ўринлидир. Қани маҳалланинг масъуллари, маънавий-марифий ишлар бўйича мутасаддилар, нуронийларимиз? Ота-она энди бир умр касал боқадими. Ривоят қилинишича ,бир киши ҳакимлардан бирининг ҳузурига келиб: ”Ҳазрат,менинг бир ўғлим ва бир қизим бор. Улардан ҳар иккисини ўқитишга қурбим етмайди,фақатгина биттасини ўқитишга имконим бор,қайси бирини ўқитай?”, деб сўрайди. Шунда ҳаким зот: ”Қизингни ўқит,чунки у келажакда фарзанд тарбия қилади. Агар ўғлингни ўқитсанг, бир кишини ўқитган бўласан, аммо қизингни ўқитсанг бутун бир жамиятни ўқитган бўласан”, деб жавоб берган экан. Шундай экан, қизларимизнинг тақдирига бепарво бўлмайлик.

Б.ШАРИПОВ, туман бош имом-хатиби