Ёш тадбиркор Амиржон Ғайбиев бошқараётган "Бадал Асл Нур" масъулияти чекланган жамиятини иш бошлаганига ҳали кўп фурсат бўлгани йўқ. Аммо унда ишлаб чиқарилаётган турли трикотаж маҳсулотлари халқимизга манзур бўлмоқда.

- Энг сўнгги хабар ва маълумотларга ташналигим сабаб, доимий равишда Интернет оламига "сайр" қиламан. Ривожланган мамлакатларда ҳам тадбиркору ҳунармандларга бу қадар катта эътибор қилинмайди, - дейди ёш тадбиркор, "Бадал Асл Нур" масъулияти чекланган жамият раҳбари Амиржон Ғайбиев - Президентимизнинг юртимиз ёшларига кўрсатаётган ғамхўрлигини доимий ҳис этиб, меҳнат қилмоқдамиз. Масалан, биргина бизнинг корхонамизни юксалиши, биз ёшларга кўмакдош бўлиш, хусусий тадбиркорликни ривожлантириш учун энг кам фоизли катта миқдорда кредит ажратилиши янада кўпроқ изланишга, билдирилган юксак ишончга муносиб бўлишга ундайди.

Суратда: А.Ғайбиев корхона
ишчилари фаолиятини кўздан кечирмоқда.
Сурат муаллифи Бекзод ҚОДИРОВ