Фильмда тарихий муҳит, хонлик даври, улкан саройлар, йирик қўшинлар, ақлли, узоқни кўра оладиган хонлар ва бошқа амалдорлар акси жуда аниқ очиб берилган.

25 май куни Самарқанд шаҳридаги "Мўъжиза" амфитеатрида Ўзбекистон Республикаси Президенти Шавкат Мирзиёев ташаббуслари билан суратга олинган "Баҳодир Ялангтўш" тарихий-бадиий фильмининг илк катта премьераси ўтказилди.

Унда Вилоят ҳокими Эркинжон Турдимов, Кинематография агентлиги директори Фирдавс Абдухолиқов, Агентлик директор ўринбосари Шуҳрат Ризаев, режиссёр Жаҳонгир Аҳмедов бошчилигидаги фильм ижодий гуруҳи, журналист ва блогерлар ҳамда кенг жамоатчилик вакиллари иштирок этди.