Аҳоли билан яқиндан мулоқотда бўлиш, уларни ташвишлантираётган муаммоларни ўрганиш ва бартараф этиш мақсадида туман ҳокими навбатдаги сайёр қабулини 1-сектор ҳудудидаги Ўрташиқ маҳалласида ўтказди.

Сайёр қабул давомида 36 нафар фуқароларнинг 40 дан зиёд масалаларга оид мурожаатлари кўриб чиқилди. Алоҳида қайд этиш лозимки, мурожаатларнинг 19 таси жойида ижобий ҳал этилди. 4 тасига ҳуқуқий маслаҳатлар берилган бўлса, қолганларини ечимига муддат талаб этилганлиги боис, ўрганиб, хулоса бериш учун тегишли ташкилот ва мутасаддиларга топшириқлар берилди.
- Олий таълим муассасасини битирганимдан буён турли мавсумий ишлар билан банд бўлиб, доимий иш ўрнига эга бўлиш истагида эдим, - дейди Деҳнав маҳалласида яшовчи Дамиржон Хуррамов. - Туман ҳокимига ушбу масалада мурожаат қилганимдан сўнг, ўз мутахассислигим бўйича туман ободонлаштириш бошқармасига ишга жойлаштирилдим.

Тошпўлат ЮСУПОВ