Дилрабо, изҳори ишқ айларам, ёнимга кел,

Қўймаса сайёд дил найларам, ёнимга кел.

Тола-тола соч каби ҳисларим ҳар ёндадур,

Оҳ, сени ошуфтаҳол ўйларам, ёнимга кел.

Кўзларим муштоқ эрур, йўлларингга термулиб,

Лаҳзаларни лаҳзаларга бўйларам, ёнимга кел.

Оразингни эй санам, қалбга оққай куй-наво,

Мен шоён қўшиқларим куйларам, ёнимга кел.

Севги лойимда азалдан ул Худо фармони-ла

Аҳли ишққа мен уни сўйларам, ёнимга кел.

Фармон ТОШЕВ