Йўлга чиққан ҳар одам

Қуруқ чиқмас бегумон.

Нон олади, шароб ҳам.

Аммо, эй азиз меҳмон,

Тоғларга йўл тутсанг гар

Кел хуржунни тўлдирмай.

Тоғ дилбари нон ёпар,

Тоғ йигити тутар май.

Йўлга чиққан ҳар одам

Қуруқ чиқмас бегумон,

Олар ўткир ханжар ҳам.

Аммо, эй азиз меҳмон,

Ҳанжар тутма қўлингга.

Ҳанжар сенга не даркор?

Душман чиқса йўлингга,

Бил, тоғликда ханжар бор.

Йўлга чиққан ҳар одам

Қуруқ чиқмас бегумон,

Олар йўлга қўшиқ ҳам.

Эшит, азиз, эй меҳмон,

Соз қўшиққа бой бу эл,

Куйлар бизда кўп, аммо —

Қўшиғингни олиб кел,

Қўшиқ керак доимо.

Эркин Воҳидов таржимаси