Саноат ҲАФИЗОВА
Бўзи маҳалласи
Дарё мавжларига маҳлиё бўлма,
Бегона кўзларга нур, зиё бўлма,
Гуноҳларга ботиб рўйсиё бўлма,
Аввал волидангнинг дуосини ол,
Меҳрибон онангнинг ризосини ол.
Ғурурланма ўтар шон-шавкатингга,
Мартабанг суяган алп савлатингга,
Ишонма вафосиз мол-давлатингга,
Аввал волидангнинг дуосини ол,
Меҳрибон онангнинг ризосини ол.
Ғафлатда қолиб, сўнг бўлма пушаймон,
Онангнинг дийдори бўлмасин армон,
Кўз очиб юмгунча ўтади даврон,
Аввал волидангнинг дуосини ол,
Меҳрибон онангнинг ризосини ол.
Буғмасин бир куни бўғзингни алам,
Тор бўлиб қолмасин десанг бу олам,
Дўст, сенга сўз битдим, қўлимда қалам,
Аввал волидангнинг дуосини ол,
Меҳрибон онангнинг ризосини ол.
Copyright © 2024. Гулобод тонги. Сайт материалларидан фойдаланганда www.gulobodtongi.uz манбаи кўрсатилиши шарт.
Матнда хатолик топдингизми? Матнни танлаб CTRL+ENTER босинг.