РАЙҲОН МЕҲРИГИЁ

Эй райҳон, гулларнинг меҳригиёси,

Инсон борлигини яйратган меҳвар.

Сени ҳидлаганлар олам завқ олиб,

Мафтунлиги ошар бўлиб чин дилбар.

Райҳон авайларкан: табаррук этиб,

Суртди кўзга ёрим ҳидлаб димоғи.

Лабларига босди, ўпди дафъатан,

Ортиб боришидан меҳр ардоғи.

Кўнгилга сиғмаган гул очган бир ўт -

Қадр топиб дилни этди бахтиёр.

Гулдастани қучар худди мен каби

Эъзозлашга бурди инон-ихтиёр.

Эй райҳон, гулларнинг меҳригиёси,

Инсон борлиғини яшнатган меҳвар.

Сени ҳидлаганлар олам завқ олиб,

Мафтунлиги ошар бўлиб чин ёвар.

Абдураҳим НАИМОВ