Олимга ёндашсанг, очилар кўзинг,

Жоҳилга ёндашсанг, кўрдек бўларсан.

* * *

Одам бор, минг туман едирсанг оздир,

Одам борки, еган нонига етмас.

* * *

Дўзахнинг тимсоли бир ёмон хотин.

* * *

Яхшини олам орзулар.

* * *

Ҳар йигитнинг аслин билай десангиз,

Маъракада ўтириб-туришин кўринг.

Биров билан ошно бўлай десангиз,

Аввал иқроринда туришин кўринг.

* * *

Мард кутар меҳмонни очиқ юз билан,

Номард қочиб қолар меҳмон учраса.

Н.МЕҲРАНГИЗ