Кўнгил дарахтининг танаси китоб,

Ҳар ақл дурининг донаси китоб.

* * *

Яхшилик ахтарган одамлар бахтли,

Яхшилик яратган одамлар тахтли.

* * *

Умр ҳар бандага ўлчаб берилган,

Кетишин билмайин ким у керилган.

* * *

Савол бер, тагида савоби бўлсин,

Дилга ҳикмат солар жавоби бўлсин.

* * *

Ўғлинг бор, қизинг бор, насибанг бутун,

Набиранг - улғайган умрингга устун.

* * *

Иззат кўрсатсанг-у, иззатли бўлсанг,

Иззатинг ўлмайди гар ўзинг ўлсанг.

* * *

Кўксингни тоғ қилган - эътибор бўлур,

Эътиборсиз қолсанг, дунё тор бўлур.

МАҲМУД ТОИР