Мен чорлаганим йўғу,

Эшикдан келди буғу.

Ишонмадим кўзимга,

Салом берди ўзимга.

Ногоҳ стул, каравот,

Тўлди яшил япроққа.

Қайдандир келди қушлар,

Хона тўлди сайроққа.

Гуллар буфет эшиги,

Стол-тўнка бўлиб қолди.

Олмахон қандилда шод,

Буғу ўтириб олди.

Менга боқди ҳайратда,

Дўст бўлмоғимиз тайин.

Лекин эртак-эртак-да,

Унга ишониш қийин.

Морис КАРЕМ (Бельгия)

Нурулло ОСТОН таржимаси