Самбо кураши бўйича 2018 йилги Жаҳон ва Осиё чемпионатлари совриндори, Ўзбекистон миллий терма жамоаси аъзоси, халқаро тоифадаги спорт устаси Нодира Гулова 21-умумий ўрта таълим мактабининг кураш спорт залида шуғулланадиган 1-сон БЎСМнинг ёш тарбияланувчилари билан самбо кураши бўйича Маҳорат дарси ("Мастер класс") машғулотларини ўтказди.

Қизиқарли ўтган машғулотлардан сўнг тажрибали спортчи ёш курашчилар билан давра суҳбати қуриб, уларни қизиқтирган кўплаб саволларига жавоб қайтарди.
Мароқли ва ажойиб тадбир ёш полвонларда катта таассурот қолдирди ва бу улар хотирасида узоқ вақт сақланиб қолади.

Саодат ДЎСТМУҲАММЕДОВА
Азим ҲАСАНОВ,
21-умумий ўрта таълим мактаби ўқувчилари