Яқинда Гулобод ижтимоий-иқтисодий коллежида «Темурбеклар» ҳарбий спорт мусобақасининг туман босқичи бўлиб ўтди.

Туман мудофаа ишлари бўлими, тиббиёт бирлашмаси, ИИБ, халқ таълими бўлими, Республика маънавият ва маърифат маркази туман бўлими билан ҳамкорликда ташкил этилган бу беллашувда тумандаги барча умумий ўрта таълим мактабларида таҳсил олаётган ўқувчи-ёшлар мусобақа низомига кўра 9 шарт бўйича беллашдилар.
Мусобақа якунига кўра 10-умумтаълим мактабининг «Қалқонлар» жамоаси биринчи, 11- умумтаълим мактабининг «Темурбеклар авлоди» жамоаси иккинчи, 33-умумтаълим мактабининг «Адолатпарвар» жамоаси учинчи ўринни ишғол этишди.
Ғолиб жамоалар Ўзбекистон Ёшлар иттифоқи туман Кенгаши ва ҳамкор ташкилотларнинг кубок, диплом ва эсталик совғалари билан тақдирланишди.

Б.ШАРИПОВ,
туман Кенгаши бош мутахассиси