Ўзбекистон Ёшлар Иттифоқи туман Кенгаши томонидан ёшлар қалбида аждодлар анъанасига содиқлик, миллий ғоя ва қадриятларга ҳурмат, она - Ватанни севиш, ардоқлаш ва уни кўз қорачиғидек асраш каби туйғуларни янада кучайтириш борасида қатор тадбирлар амалга ошириб келинмоқда.

9 май - Хотира ва қадрлаш куни арафасида тумандаги 20 ва 52-умумтаълим ўрта мактабларининг 35 нафар ўқувчилари иштирокида ана шу мақсадни кўзлаб Ўзбекистон Республикаси Ички ишлар Вазирлиги Халқаро аэропортларда хавфсизликни таъминлаш қўшинлари Самарқанд Халқаро аэропортдаги алоҳида батальони ҳамда 7252-сонли ҳарбий қисмга саёҳат ташкил этилди, - дейди Кенгаш бош мутахассиси Б.Шарипов.
- Саёҳат давомида ёшлар ҳарбий қурол - аслаҳалар, замонавий ҳарбий техникалар, шунингдек, ҳарбий қисмда хизмат қилаётган аскарлар учун ташкил этилган кутубхона ва компютерхоналар ҳамда уларнинг ётоқхоналари ва ошхоналари билан ҳам яқиндан танишдилар.

Т.ЮСУПОВ