Жорий йилнинг 29-30 октябрь кунлари Тошкент шаҳрида умумтаълим мактаблари ва «Баркамол авлод» болалар марказлари тўгарак аъзолари ўртасида «Болаларнинг техник ижодкорлиги» фестиваль-танловининг республика босқичи бўлиб ўтди.

Унда Самарқанд тумани «Баркамол авлод» болалар маркази тўгарак аъзоси, 46-умумтаълим мактаби 8-синф ўқувчиси Улуғбек Саидов ҳам иштирок этиб, «Электрон ўйинчоқлар» йўналишида совринли ўринни эгаллади ва Халқ таълими вазирлигининг III-даражали дипломи билан тақдирланди.
- Фестиваль -танловни ўтказишдан мақсад ўқувчиларнинг бўш вақтларини мазмунли ташкил этиш, улар онгига меҳнатсеварликни, касб тайёргарлигининг дастлабки ўқув ва кўникмаларини сингдириш, - дейди марказ услубчиси Ш.Ваҳобов. - Шунингдек, ўқувчилар ўртасида фан ва техникани ривожлантиришининг истиқболли йўналишларига мувофиқ ўрганишни ташкил этиш ҳамда улар ўртасида техник ижодкорликни ривожлантиришдан иборатдир. Фестиваль - танлов ҳар йили умумий ўрта таълим макатаблари ва «Баркамол авлод» болалар маркази тўгарак аъзолари ўртасида республика миқёсида ўтказилади.

Тошпўлат ЮСУПОВ