Ўтган ҳафта охирида туман ҳокимлигининг катта мажлислар залида туман хотин-қизлар кўмитасининг ҳисобот- сайлов конференцияси бўлиб ўтди. Унда ҳудудлардан сайланган 150 нафар делегатдан 148 нафари иштирок этди.

Анжуманни кириш сўзи билан очган ижтимоий фаол аёл, туман Кенгашининг депутати Ж.Сайфиддинова “Ўзбекистон Республикаси Президентининг 2017 йил 7 февралдаги “Ўзбекистон Республикасини янада ривожлантириш бўйича Ҳаракатлар стратегияси тўғрисида” ги ПФ-4947-сонли ва 2018 йил 2 февралдаги “Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятини тубдан такомиллаштириш чора-тадбирлари тўғрисида”ги ПФ-5325-сонли Фармонлари ижросини таъминлаш борасида Самарқанд туман хотин-қизлар кўмитаси олдида турган долзарб вазифалар тўғрисида”ги маърўза учун сўзни туман ҳокими ўринбосари, хотин-қизлар қўмитаси раиси З.Рофиевага берди. Беш йилда бир марта ўтказиладиган конференция иштирокчилари ўтган даврда амалга оширилган қатор ташкилий-амалий, маънавий-маърифий тадбирлар, қўлга киритилган ижобий натижалар билан бирга йўл қўйилган хато-камчиликлар, келгусидаги долзарб вазифалар хусусида ҳисоботни эшитгач, қизғин музокара бошланиб кетди.
Туман Халқ таълими бўлими, тиббиёт бирлашмаси хотин-қизлар бошланғич ташкилотлари раислари С.Нарзуллоева, Н.Бўронова, туман мактабгача таълим бўлими мудири Д.Азизова ва бошқаларнинг қўмита фаолиятини янада яхшилаш, такомиллаштириш борасидаги таклиф-мулоҳазалари қўллаб-қувватланди, кейинги беш йилга мўлжалланган ҳаракатлар дастурига ойдинлик киритилди.
Шунингдек, Ўзбекистон хотин-қизлар қўмитасининг янги таҳрирдаги Устави лойиҳаси юзасидан таклифлар билдирилди.
Туман хотин-қизлар қўмитасининг янги бошқарув таркиби, қўмита раиси, назорат-тафтиш комиссияси ҳамда вилоят хотин-қизлар қўмитаси ҳисобот-сайлов конференциясига делегатлар сайланди.
Делегатлар туман хотин-қизлар қўмитаси раиси этиб яна Зулфия Рофиевани сайлашди.
Анжуман тафсилотига оид материалларни газетанинг кейинги сонида ўқийсиз.

Н.КАРИМОВ