Самарқанд вилоятида гилам ишлаб чиқариш цехи ёниб кетди. Бу ҳақда Фавқулодда вазиятлар вазирлиги матбуот хизмати хабар берди.

Маълумотларга кўра, воқеа 14 ноябрь куни соат 14:53 атрофида содир бўлган. Воқеа жойига соат 15:03 да тўртта ўт ўчирувчилар етиб келган, улар соат 15:40 да ёнғинни камайтиришга, 16:06 да тўлиқ бартараф этишга муваффақ бўлишган.
Ёнғин натижасида устахонанинг умумий майдони 250 дан 300 квадрат метргача бўлган том ва шифт қисми ёниб кетган. Ҳодиса оқибатида ҳеч ким жабрланмаган ва ҳалок бўлмаган. Ҳозирда ёнғин сабаблари ва моддий зарар миқдори аниқланмоқда.